يزخر تراثنا الرائع بالكثير من شعر الحب والغزل واليكم هذه الرائعة
محبوب قلبك بالهوى سمّيتني ومن بعد ما سمّيتني سمّيتني
علّيتني عجوانحك فوق السما ومن بعد ما علّيتني علّيتني
-علّيتني عجوانحك فوق السما وصرت تحكيني بالإشارة وبالوما
جرّيتني من الظلم بميل العما ومن بعد ما جرّيتني جرّيتني
-عوّدتني اقضي حياتي بالسجون لا عطف صافي ولا قلب يخفق حنون
سلّيتني برمشة جفونك والعيون من بعد ما سلّيتني سلّيتني
-يا ريتني ماجيت زرتك بالمزار ذكّرتني بأيام ما كنا صغار
خلّيتني تابحت بكل الأسرار من بعد ما خلّيتني خلّيتني
-يا ريتنا بهالعمر ماسهرنا سوا وغنّيتلك نغمات قلبي وشو طوى
علّيتني تاصرت أعلى من الهوى ومن بعد ما علّيتني علّيتني
-تذكّر ليالينا اللّي كانت للصباح ضحك وأغاني وقهقهة وجد ومزاح
غلّيتني بنظرات أقوى من السّلاح من بعد ما غلّيتني غلّيتني
-يا ريتنا منعود من بعد السّنين نحيي الليالي السابقة بحب وحنين
صلّيتني بتيار حبّك هالثمين من بعد ما صلّيتني صلّيتني
-وحياة عينك بعدنا بعز الشّباب بعاهدك ما خون حبّك للتراب
حلّيتني محتار من رشف الرّضاب من بعد ما حلّيتني حلّيتني
-كنّا منقضي اللّيل ضحك وتكتكي قلبي احترق يا صاحبي وقلبك بكي
ملّيتني لمز وصفا وغمز وحكي من بعد ما ملّيتني ملّيتني
الخميس فبراير 07, 2008 10:40 pm
